Kjarafélag viðskiptafræðinga og hagfræðinga
Kjarafélag viðskiptafræðinga og hagfræðinga (KVH) er stéttarfélag viðskiptafræðinga og hagfræðinga. Félagið sér um að gera kjarasamninga fyrir hönd félagsmanna, bæði á almennum og opinberum vinnumarkaði. Það vinnur að bættum kjörum félagsmanna, gætir réttinda þeirra og er óháð starfsvettvangi, vinnuveitanda eða ráðningarformi.
Alls eru greiðandi félagsmenn nú tæplega 2.000. Um 55% starfar á almennum vinnumarkaði en 45% hjá hinu opinbera.
KVH hefur það að markmiði að félagsmenn þess njóti bestu mögulegrar þjónustu og hagsmunagæslu á hverjum tíma. KVH er aðili að Bandalagi háskólamanna.
Aðsetur KVH og BHM er að Borgartúni 6, Reykjavík.
Á skrifstofu KVH er svarað í síma og veitt ráðgjöf er hér segir:
Mánudaga – fimmtudaga 13:00-16:00.
Föstudaga 9:00-12:00.
Fyrir almennar heimsóknir er hægt að bóka ráðgjöf og fjarfundi í síma 595-5140 eða: kvh@bhm.is
Efst á baugi
Laus orlofshús/íbúðir 13 – 20 júní
Eftirfarandi bústaðir og íbúðir eru enn lausar frá 13. til 20. júní.
Allar nánari upplýsingar er að finna á vefsíðu Orlofssjóðs BHM.
Minnt er á póstlista Orlofssjóðs BHM. Þar er hægt að fá sendar upplýsingar um lausa bústaði og íbúðir ásamt öðrum upplýsingum er tengjast sjóðnum.
Til að skrá sig er farið inn á bókunarvef sjóðsins: https://innskraning.island.is/?id=bhm.is
Kynning og atkvæðagreiðsla um ríkissamning
Félagsmönnum KVH sem heyra undir kjarasamning félagsins við ríkið var send kynning á nýju samkomulagi um breytingar og framlengingu á kjarasamningum. Á eftirfarandi tengli má einnig skoða samninginn og þá nýju launatöflu sem honum fylgir; sjá hér.
Samkomulag við ríkið
KVH auk fimmtán annarra aðildarfélaga BHM undirrituðu þ. 28. maí samkomulag við fjármála- og efnahagsráðherra fyrir hönd ríkissjóðs, um breytingar og framlengingu á kjarasamningum aðila. Samningurinn er á svipuðum nótum og samningar á almennum vinnumarkaði og nær út febrúar 2015, en er afturvikur frá 1. febrúar 2014. Samkomulagið verður kynnt hlutaðeigandi félagsmönnum KVH á næstu dögum og verða þeim sendar nánari upplýsingar. Atkvæðagreiðsla verður rafræn.
Kjarasamningur samþykktur við OR
KVH hefur nú gert nýtt samkomulag við Orkuveitu Reykjavíkur um breytingu og framlengingu á kjarasamningi aðila. Samkomulagið var samþykkt með yfir 90% greiddra atkvæða á fundi félagsmanna KVH sem starfa hjá OR. Gildistími þessa nýja samkomulags er til 28. febrúar 2015.
Félagsaðild
Í boði er meðal annars:
- Fæðingarstyrkir og sjúkradagpeningar
- Starfs- og endurmenntunarstyrkir
- Sumarbústaðir og orlofshúsnæði, innanlands og erlendis
Námsmannaaðild
Námsmenn í viðskiptafræði eða hagfræði á háskólastigi, sem lokið hafa a.m.k. 60 einingum (ECTS) geta sótt um námsmannaaðild að KVH (NKVH). Slík aðild felur m.a. í sér:
- Aðgang að upplýsingum og leiðbeiningum félagsins er snerta störf og kjör á vinnumarkaði
- Aðstoð við gerð ráðningarsamninga
- Aðgang að námskeiðum/málstofum KVH á ári hverju. Efni námskeiðanna eru fjölbreytt og höfða til námsmanna
- Gjöf frá KVH þegar að námi lýkur