Kjarafélag viðskiptafræðinga og hagfræðinga
Kjarafélag viðskiptafræðinga og hagfræðinga (KVH) er stéttarfélag viðskiptafræðinga og hagfræðinga. Félagið sér um að gera kjarasamninga fyrir hönd félagsmanna, bæði á almennum og opinberum vinnumarkaði. Það vinnur að bættum kjörum félagsmanna, gætir réttinda þeirra og er óháð starfsvettvangi, vinnuveitanda eða ráðningarformi.
Alls eru greiðandi félagsmenn nú tæplega 2.000. Um 55% starfar á almennum vinnumarkaði en 45% hjá hinu opinbera.
KVH hefur það að markmiði að félagsmenn þess njóti bestu mögulegrar þjónustu og hagsmunagæslu á hverjum tíma. KVH er aðili að Bandalagi háskólamanna.
Aðsetur KVH og BHM er að Borgartúni 6, Reykjavík.
Á skrifstofu KVH er svarað í síma og veitt ráðgjöf er hér segir:
Mánudaga – fimmtudaga 13:00-16:00.
Föstudaga 9:00-12:00.
Fyrir almennar heimsóknir er hægt að bóka ráðgjöf og fjarfundi í síma 595-5140 eða: kvh@bhm.is
Efst á baugi
Orlofssjóður – laust frá 20. júní
Minnt er á póstlista Orlofssjóðs BHM. Þar er hægt að fá sendar upplýsingar um lausa bústaði og íbúðir ásamt öðrum upplýsingum er tengjast sjóðnum.
Til að skrá sig er farið inn á bókunarvef sjóðsins: https://innskraning.island.is/?id=bhm.is
Kjarasamningur samþykktur við ríkið.
Kjarasamningur KVH við ríkissjóð, sem undirritaður var þ. 28. maí s.l., var samþykktur í atkvæðagreiðslu þeirra félagsmanna sem undir hann heyra og lauk að miðnætti.
Meirihluti félagsmanna aðildarfélaga BHM eða 61,9% samþykkti nýgerðan kjarasamning við fjármálaráðherra f.h. ríkissjóðs. Um er að ræða 15 aðildarfélög.
Svarhlutfall var tæp 65% hjá félagsmönnum KVH. Þeir sem sögðu já voru 74,3,%, nei sögðu 19,3%, en 6,3% skiluðu auðu.
Gildistími þessa nýja samnings er frá 1. febrúar 2014 til 28. febrúar 2015.
Launatafla hækkar og breytist, að meðaltali um 3,6%. Desemberuppbót á árinu 2014 verður 73.600 og orlofsuppbót árið 2014 verður 39.500. Aðilar hefja viðræður í kjölfar gildistöku samnings þessa bæði um sameiginleg mál og sérmál aðildarfélaga.
Samningurinn og ný launatafla verða birt hér á vefsíðu KVH undir „Kaup og kjör“.
Á eftirfarandi tengli má einnig skoða samninginn og þá nýju launatöflu sem honum fylgir; sjá hér.
Laus orlofshús/íbúðir
Eftirfarandi bústaðir og íbúðir eru enn lausar.
Allar nánari upplýsingar er að finna á vefsíðu Orlofssjóðs BHM.
Atkvæðagreiðsla um ríkissamning – nýtum kosningaréttinn
Félagsmenn KVH sem heyra undir kjarasamning félagsins við ríkið:
KVH minnir á rafrænu atkvæðagreiðsluna sem nú stendur yfir, um breytingar og framlengingu kjarasamnings aðildarfélaga BHM við fjármálaráðherra f.h. ríkissjóðs. Stendur atkvæðagreiðslan til miðnættis fimmtudaginn 12. júní. Niðurstöður munu liggja fyrir þann 13. júní.
Fyrirtækið Maskína annast atkvæðagreiðsluna.
Við hvetjum félagsmenn okkar til að nýta kosningarétt sinn.
Félagsaðild
Í boði er meðal annars:
- Fæðingarstyrkir og sjúkradagpeningar
- Starfs- og endurmenntunarstyrkir
- Sumarbústaðir og orlofshúsnæði, innanlands og erlendis
Námsmannaaðild
Námsmenn í viðskiptafræði eða hagfræði á háskólastigi, sem lokið hafa a.m.k. 60 einingum (ECTS) geta sótt um námsmannaaðild að KVH (NKVH). Slík aðild felur m.a. í sér:
- Aðgang að upplýsingum og leiðbeiningum félagsins er snerta störf og kjör á vinnumarkaði
- Aðstoð við gerð ráðningarsamninga
- Aðgang að námskeiðum/málstofum KVH á ári hverju. Efni námskeiðanna eru fjölbreytt og höfða til námsmanna
- Gjöf frá KVH þegar að námi lýkur