Námskeið: Vörumerkið ég

Tími: Fimmtudagurinn 28. mars kl. 17 – 19
Staðsetning: Borgartún 6, 4 hæð

„Það er mikilvægt að gera sér grein fyrir öllum þeim þáttum sem koma til við atvinnuleit. Í dag er ekki lengur nóg að smella kennitölunni sinni á blað og síðasta starfi og búast við ráðningu. Oft þarf að bera sig eftir björginni og huga vel að heildarmyndinni.“

Þetta segir Silja sem vann við ráðningar í yfir þrjú ár hjá Capacent ráðningum og þar áður í fjögur ár sem stjórnandi sem meðal annars sá um ráðningar.
Á þessu námskeiði verður farið lauslega í helstu þætti sem koma að atvinnuleit, ferilskrá, samfélagsmiðla, atvinnuviðtöl, almenn samskipti og hlutverk kynningarbréfs svo eitthvað sé nefnt.

Námskeiðið mun standa yfir frá kl. 17:00 – 19:00.

Námskeiðið er opið fyrir þá félagsmenn sem hafa námsmannaaðild KVH. Fjöldi þátttakenda er takmarkaður og gildir því reglan fyrstur kemur fyrstur fær.