Kjarafélag viðskiptafræðinga og hagfræðinga
Kjarafélag viðskiptafræðinga og hagfræðinga (KVH) er stéttarfélag viðskiptafræðinga og hagfræðinga. Félagið sér um að gera kjarasamninga fyrir hönd félagsmanna, bæði á almennum og opinberum vinnumarkaði. Það vinnur að bættum kjörum félagsmanna, gætir réttinda þeirra og er óháð starfsvettvangi, vinnuveitanda eða ráðningarformi.
Alls eru greiðandi félagsmenn nú tæplega 2.000. Um 55% starfar á almennum vinnumarkaði en 45% hjá hinu opinbera.
KVH hefur það að markmiði að félagsmenn þess njóti bestu mögulegrar þjónustu og hagsmunagæslu á hverjum tíma. KVH er aðili að Bandalagi háskólamanna.
Aðsetur KVH og BHM er að Borgartúni 6, Reykjavík.
Á skrifstofu KVH er svarað í síma og veitt ráðgjöf er hér segir:
Mánudaga – fimmtudaga 13:00-16:00.
Föstudaga 9:00-12:00.
Fyrir almennar heimsóknir er hægt að bóka ráðgjöf og fjarfundi í síma 595-5140 eða: kvh@bhm.is
Efst á baugi
Áríðandi fundur um kjarasamninga
Til félagsmanna KVH á ríkisstofnunum:
Samningaviðræður KVH og ríkis (SNR)
Samninganefnd KVH boðar félagsmenn sem starfa á ríkistofnunum til félagsfundar, mánudaginn 14. september, í fundarsal (H og I) á annari hæð Hilton Reykjavík Nordica, Suðurlandsbraut 2. Fundur hefst stundvíslega kl. 12 og áætlað er að honum ljúki ekki seinna en um kl. 13.
Fundarefni er staða kjarasamningaviðræðna KVH við samninganefnd ríkisins. Á fundinum verður gerð grein fyrir þróun viðræðna og stöðunni í dag, en samningur hefur verið laus síðan 1. mars s.l.
Fjöldi samningafunda er að baki og KVH hefur lagt fram vel rökstudda kröfugerð, tillögur og drög að nýjum samningi, sem rædd hafa verið ítarlega. SNR hefur hins vegar hafnað því meginatriði kröfugerðar KVH að hækkun launaliða verði í samræmi við þá launaþróun og þær launahækkanir sem aðrir háskólamenntaðir ríkisstarfsmenn hafa fengið á þessu ári og síðustu mánuðum, annað hvort með samningum eða úrskurði Gerðardóms. Þessi afstaða samninganefndar ríkisins er algerlega óásættanleg. Síðasta fundi aðila nú í vikunni lauk án árangurs og hefur annar samningafundur ekki verið ákveðinn.
Samninganefndin hvetur félagsmenn KVH sem starfa á ríkisstofnunum og eiga heimangengt að koma til þessa fundar sem hér er boðaður og ræða málin, áður en næstu skref verða tekin í kjaradeilunni við ríkið.
Frá samninganefnd KVH
Samningaviðræður KVH við ríkið um nýjan kjarasamning aðila halda enn áfram og hefur næsti fundur verið boðaður í byrjun næstu viku. Aðilar hafa skipst á tillögum og rætt ítarlega fjölmörg atriði kröfugerðar, en niðurstaða er enn ekki fengin. Félagsmenn KVH hjá ríkinu verða upplýstir um framgang mála eftir því sem hægt er, en félagið leggur mikla áherslu á að samningar náist sem allra fyrst.
Viðræður halda áfram
Samningaviðræður KVH og samninganefndar ríkisins héldu áfram í dag, þar sem lagðar voru fram nýjar tillögur um breytingar og framlengingu kjarasamnings aðila. Næsti fundur hefur verið boðaður 1. september n.k.
Ljósmyndasamkeppni Orlofssjóðs BHM
Sjóðfélagar OBHM:
Eins og kynnt var í Orlofsblaðinu í vor hefur verið ákveðið að efna til ljósmyndasamkeppni meðal sjóðfélaga OBHM. Þemað er annars vegar orlofsdvöl og hins vegar útivist. Valdar verða tvær bestu myndirnar og hljóta vinningshafar verðlaun í formi orlofsdvalar í leigukostum sjóðsins innanlands, helgi utan úthlutunartímabils.
Ákveðið hefur verið að skilafrestur ljósmynda sé 1. október 2015.
Ljósmyndum skal skila í tölvupósti til rekstrarstjóra OBHM á netfangið margret@bhm.is
Félagsaðild
Í boði er meðal annars:
- Fæðingarstyrkir og sjúkradagpeningar
- Starfs- og endurmenntunarstyrkir
- Sumarbústaðir og orlofshúsnæði, innanlands og erlendis
Námsmannaaðild
Námsmenn í viðskiptafræði eða hagfræði á háskólastigi, sem lokið hafa a.m.k. 60 einingum (ECTS) geta sótt um námsmannaaðild að KVH (NKVH). Slík aðild felur m.a. í sér:
- Aðgang að upplýsingum og leiðbeiningum félagsins er snerta störf og kjör á vinnumarkaði
- Aðstoð við gerð ráðningarsamninga
- Aðgang að námskeiðum/málstofum KVH á ári hverju. Efni námskeiðanna eru fjölbreytt og höfða til námsmanna
- Gjöf frá KVH þegar að námi lýkur