Kjarafélag viðskiptafræðinga og hagfræðinga
Kjarafélag viðskiptafræðinga og hagfræðinga (KVH) er stéttarfélag viðskiptafræðinga og hagfræðinga. Félagið sér um að gera kjarasamninga fyrir hönd félagsmanna, bæði á almennum og opinberum vinnumarkaði. Það vinnur að bættum kjörum félagsmanna, gætir réttinda þeirra og er óháð starfsvettvangi, vinnuveitanda eða ráðningarformi.
Alls eru greiðandi félagsmenn nú tæplega 2.000. Um 55% starfar á almennum vinnumarkaði en 45% hjá hinu opinbera.
KVH hefur það að markmiði að félagsmenn þess njóti bestu mögulegrar þjónustu og hagsmunagæslu á hverjum tíma. KVH er aðili að Bandalagi háskólamanna.
Aðsetur KVH og BHM er að Borgartúni 6, Reykjavík.
Á skrifstofu KVH er svarað í síma og veitt ráðgjöf er hér segir:
Mánudaga – fimmtudaga 13:00-16:00.
Föstudaga 9:00-12:00.
Fyrir almennar heimsóknir er hægt að bóka ráðgjöf og fjarfundi í síma 595-5140 eða: kvh@bhm.is
Efst á baugi
BHM fræðslan – Ísafjörður
ÍSAFJÖRÐUR: Núvitund – vellíðan og velgengni
- Staðsetning: ÍSAFJÖRÐUR – Fræðslumiðstöð Vestfjarða (Einnig verður fjarkennt til Hólmavíkur og Patreksfjarðar í gegnum fjarfundabúnað, félagsmenn mæta á starfsstöðvar Fræðslumiðstöðvar Vestfjarða á staðnum.)
- Tími: 12:00 – 16:00, 12. apríl 2016
- Skráningartímabil: Opið
BHM og Fræðslumiðstöð Vestfjarða standa saman að námskeiðinu. Samstarfið er liður í því að auka fræðslu fyrir félagsmenn BHM á landsbyggðinni. Námskeiðið er félagsmönnum BHM að kostnaðarlausu.
KVH og sveitarfélögin
Kjaraviðræður hafa haldið áfram síðustu daga milli KVH og samninganefndar Sambands íslenskra sveitarfélaga, um endurnýjun kjarasamnings aðila. Viðræður eru langt komnar og vonir standa til að hægt verði að ljúka samningum á allra næstu dögum og kynna viðkomandi félagsmönnum.
Kjaraviðræður við sveitarfélögin
Samningaviðræðum KVH við Samband íslenskra sveitarfélaga var áfram haldið í dag, 22. mars og hefur næsti fundur verið boðaður strax eftir páska. Aðilar hafa skiptst á tilboðum og drögum að nýjum samningi er gildi frá 1. sept 2015 til 31. mars 2019. Stefnt er að því að ná niðurstöðu fyrir mánaðamót.
Aðalfundur KVH
Aðalfundur KVH var haldinn 18.mars. Auk venjulegra aðalfundarstarfa, skýrslu stjórnar um starfsemi félagsins, samþykkt reikninga og fjárhagsáætlunar, fór fram kosning í embætti. Í aðalstjórn til tveggja ára voru kosin Guðfinnur Þór Newman og Ragnheiður Ragnarsdóttir. Fyrir í aðalstjórn eru Birgir Guðjónsson, formaður, Ársæll Baldursson, gjaldkeri og Stefán Þór Björnsson, meðstjórnandi. Í varastjórn til eins árs voru kosin Helga S. Sigurðardóttir, Hjálmar Kjartansson og Sæmundur Árni Hermannsson.
Félagsaðild
Í boði er meðal annars:
- Fæðingarstyrkir og sjúkradagpeningar
- Starfs- og endurmenntunarstyrkir
- Sumarbústaðir og orlofshúsnæði, innanlands og erlendis
Námsmannaaðild
Námsmenn í viðskiptafræði eða hagfræði á háskólastigi, sem lokið hafa a.m.k. 60 einingum (ECTS) geta sótt um námsmannaaðild að KVH (NKVH). Slík aðild felur m.a. í sér:
- Aðgang að upplýsingum og leiðbeiningum félagsins er snerta störf og kjör á vinnumarkaði
- Aðstoð við gerð ráðningarsamninga
- Aðgang að námskeiðum/málstofum KVH á ári hverju. Efni námskeiðanna eru fjölbreytt og höfða til námsmanna
- Gjöf frá KVH þegar að námi lýkur