HVER GÆTIR ÞINNA HAGSMUNA?

HVER GÆTIR ÞINNA HAGSMUNA?

Kjarafélag viðskiptafræðinga og hagfræðinga

Kjarafélag viðskiptafræðinga og hagfræðinga (KVH) er stéttarfélag viðskiptafræðinga og hagfræðinga. Félagið sér um að gera kjarasamninga fyrir hönd félagsmanna, bæði á almennum og opinberum vinnumarkaði.  Það vinnur að bættum kjörum félagsmanna, gætir réttinda þeirra og er óháð starfsvettvangi, vinnuveitanda eða ráðningarformi.

Alls eru greiðandi félagsmenn nú rúmlega 1.500. Um helmingur þeirra starfar á almennum vinnumarkaði en tæplega helmingur hjá hinu opinbera.

KVH hefur það að markmiði að félagsmenn þess njóti bestu mögulegrar þjónustu og hagsmunagæslu á hverjum tíma. KVH er aðili að Bandalagi háskólamanna.

Aðsetur KVH og BHM er að Borgartúni 6, Reykjavík.

Efst á baugi


Orlofshús í sumar

Orlofssjóður minnir þá félagsmenn sem fengu synjun eða hafa ekki bókað sumarhús í sumar að á morgun, 23. apríl,  rennur út forgangur á bókunum fyrir þá sem fengu synjun við sumarúthlutun. Enn er eitthvað af lausum vikum eftir.  Aðeins er leyfilegt að leigja eina viku í forgangi.

Bókun fer fram á bókunarvefnum: https://secure.bhm.is/orlofsvefur/Account/Login. Þar þarf að slá inn kennitölu og veflykil.  Þegar komið er inn á Bókunarvefinn skal velja „laust“ og svo það landsvæði sem hentar.  Bókað er með því að smella á dagana og greitt með kreditkorti.

Þann 24 apríl kl. 15. geta svo allir félagsmenn BHM aðildarfélaga bókað. Frá þeim tíma er líka hægt að bóka vikurnar 7-14/6 og 23-30/8 á flestum svæðum. Nánari upplýsingar gefur Margét Þórisdóttir, fulltrúi Orlofssjóðs (s: 595 5112).

Meðallaun á árinu 2012

Hagstofa Íslands hefur birt upplýsingar úr launarannsókn sinni um laun fullvinnandi launamanna á íslenskum vinnumarkaði fyrir árið 2012. Þar kemur m.a. fram að regluleg laun voru 402 þúsund krónur að meðaltali á síðasta ári.   Regluleg laun fullvinnandi karla voru 436 þúsund krónur að meðaltali á mánuði, en kvenna 367 þúsund krónur.  Þá voru regluleg laun á almennum vinnumarkaði 423 þúsund krónur að meðaltali á mánuði, en 378 þúsund krónur hjá opinberum starfsmönnum.

Heildarlaun fullvinnandi voru að meðaltali 488 þúsund á mánuði, og voru karlar með 548 þúsund að meðaltali í heildarlaun, en konur með 425 þúsund krónur. Hæstu reglulegu launin voru greidd í fjármála- og vátryggingastarfsemi, og hjá veitum.   Nánari upplýsingar má sjá á vef Hagstofunnar.

Frá aðalfundi KVH 2013

Aðalfundur KVH var haldinn föstudaginn 22. mars s.l.  Auk venjulegra aðalfundastarfa, svo sem skýrslu stjórnar, framlagningu ársreikninga KVH og Vísindasjóðs KVH vegna 2012 og fjárhagsáætlunar 2013, var ný stjórn kjörin.

Fjórir fráfarandi stjórnarmenn gáfu kost á sér til áframhaldandi starfa og voru þeir allir kosnir: Birgir Guðjónsson, formaður, Ársæll Baldursson, gjaldkeri, Helga Sigurðadóttir og Helgi Þór Jónasson, meðstjórnendur.  Ragnheiður Ragnarsdóttir  var kosin ritari í stað Sigríðar Svavarsdóttur, sem gaf ekki  kost á sér í aðalstjórn.   Í varastjórn voru kosin þau Björn Bjarnason, Hjálmar Kjartansson og Sigríður Svavarsdóttir.  Þá voru Jóngeir Hlinason og Halla Sigurðardóttir endurkjörin skoðunarmenn reikninga.  Gögn frá aðalfundi verða birt fljótlega á vefsíðu KVH.

 

Kjarakönnun BHM – taktu þátt !

Bandalag háskólamanna gengst nú fyrir rafrænni kjarakönnun sem ætlað er að gefa yfirgripsmikla mynd af kjaramálum félagsmanna. Markmið könnunarinnar, sem framkvæmd verður árlega, eru að:

  • veita yfirsýn yfir launakjör háskólamenntaðra og fylgjast með þróun launa þeirra, bæði á almennum og opinberum vinnumarkaði.
  • leggja grunn að upplýsingaveitu til félagsmanna um launakjör og launasamanburð
  • veita aðildarfélögunum mikilvægar upplýsingar til að byggja á við gerð samninga um kaup og kjör.

Félagsmenn KVH eru eindregið hvattir til að taka þátt í könnuninni og leggja þannig sitt af mörkum til að markmið hennar nái fram að ganga.

Könnunin er um 35 spurningar, sem flestum er auðvelt að svara en nokkrar heimta að upplýsingar um laun ársins 2012 og laun fyrir febrúar 2013 séu innan seilingar þegar svarað er.

Rannsóknarfyrirtækið Maskína sér um framkvæmdina. Farið verður með öll svör sem trúnaðarmál og þau ekki rekjanleg til einstaklinga.

Síða 56 af 57« Fyrsta...102030...5354555657

Félagsaðild

Í boði er meðal annars:

  • Fæðingarstyrkir og sjúkradagpeningar
  • Starfs- og endurmenntunarstyrkir
  • Sumarbústaðir og orlofshúsnæði, innanlands og erlendis
  • Styrkir til gleraugnakaupa og heilsuræktarstyrkur m.m.
Sækja um

Námsmannaaðild

Námsmenn í viðskiptafræði eða hagfræði á háskólastigi, sem lokið hafa a.m.k. 60 einingum (ECTS) geta sótt um námsmannaaðild að KVH (NKVH). Slík aðild felur m.a. í sér:

  • Aðgang að upplýsingum og leiðbeiningum félagsins er snerta störf og kjör á vinnumarkaði
  • Aðstoð við gerð ráðningarsamninga
  • Aðgang að námskeiðum/málstofum KVH á ári hverju. Efni námskeiðanna eru fjölbreytt og höfða til námsmanna
  • Gjöf frá KVH þegar að námi lýkur
Sækja um