Kjarafélag viðskiptafræðinga og hagfræðinga
Kjarafélag viðskiptafræðinga og hagfræðinga (KVH) er stéttarfélag viðskiptafræðinga og hagfræðinga. Félagið sér um að gera kjarasamninga fyrir hönd félagsmanna, bæði á almennum og opinberum vinnumarkaði. Það vinnur að bættum kjörum félagsmanna, gætir réttinda þeirra og er óháð starfsvettvangi, vinnuveitanda eða ráðningarformi.
Alls eru greiðandi félagsmenn nú tæplega 2.000. Um 55% starfar á almennum vinnumarkaði en 45% hjá hinu opinbera.
KVH hefur það að markmiði að félagsmenn þess njóti bestu mögulegrar þjónustu og hagsmunagæslu á hverjum tíma. KVH er aðili að Bandalagi háskólamanna.
Aðsetur KVH og BHM er að Borgartúni 6, Reykjavík.
Á skrifstofu KVH er svarað í síma og veitt ráðgjöf er hér segir:
Mánudaga – fimmtudaga 13:00-16:00.
Föstudaga 9:00-12:00.
Fyrir almennar heimsóknir er hægt að bóka ráðgjöf og fjarfundi í síma 595-5140 eða: kvh@bhm.is
Efst á baugi
Undirritun kjarasamnings KVH við Samninganefnd Sambands íslenskra sveitarfélaga
Í dag undirritaði Kjarafélag viðskiptafræðinga og hagfræðinga undir nýjan kjarasamning við Samninganefnd Sambands íslenskra sveitarfélaga (SNS).
Nýr kjarasamningur gildir frá 1. janúar 2020 til 31. mars 2023 og fellur þá eldri kjarasamningur úr gildi án frekari fyrirvara ef samþykktur verður.
Samningurinn verður kynntur félagsmönnum sem starfa hjá sveitarfélögunum og rafræn kosning fer fram í kjölfarið.
TEAMS – Framhaldsnámskeið
Linda Dögg, sérfræðingur í skýjalausnum hjá Sensa, snýr aftur með framhaldsnámskeið í notkun Teams
Námskeiðið verður í streymi á streymisveitu BHM. Teams er samskiptalausn frá Microsoft sem gerir hópum kleyft að halda fundi, skipuleggja verkefni og vinna saman í skjölum svo eitthvað sé nefnt.
Á námskeiðinu verður m.a. farið yfir:
- Stofnun teyma fyrir ólíka hópa
- Rásir og aðgangsstýringar
- Að stjórna áreitinu
- Samskipti hópsins
- Bókun funda
Námskeiðið verður haldið fimmtudaginn 7. maí kl. 11:00 og verður aðgengilegt til og með 11. maí 2020 á streymisveitu BHM
Sóttkvíareintalið
Eiríkur Örn gat ekki komið og flutt hugvekjuna í streymi hjá BHM svo hann tók hana upp sjálfur fyrir vestan.
Eiríkur Örn hefur sent frá sér skáldsögur og ljóð, ritgerðir, skáldsagna- og ljóðaþýðingar og klassíska uppskriftabók um plokkfisk. Nýjasta skáldsaga hans kom út í mars síðastliðnum og ber heitið Brúin yfir Tangagötuna og er ísfirsk ástarsaga úr samtímanum.
Lífið mitt er gamanmynd á streymissíðu BHM föstudaginn 24. apríl klukkan 12:00
Þorsteinn Guðmundsson, leikari og verðandi sálfræðingur, fjallar um sögu húmors, hvaða hlutverki húmor gegnir í samskiptum okkar á milli og hvaða gildi húmor og hlátur hefur fyrir líðan og heilsu.
Föstudaginn 24. apríl kl. 12:00 í streymi á streymissíðu Bandalags háskólamanna.
Fyrirlesturinn verður aðgengilegur í tvo daga, frá föstudeginum 24. apríl til miðnættis laugardaginn 25. apríl 2020.
Er stuttur þráðurinn? Fyrirlestur Önnu Lóu frá Virk er enn aðgengilegur.
Starfsstöðin heima – líkamsbeiting og vinnuumhverfið Fyrirlestur Gunnhildar Gísladóttur, iðjuþjálfa hjá Vinnueftirliti ríkisins er einnig aðgengilegur en verður tekinn úr birtingu á miðnætti 24. apríl.
Félagsaðild
Í boði er meðal annars:
- Fæðingarstyrkir og sjúkradagpeningar
- Starfs- og endurmenntunarstyrkir
- Sumarbústaðir og orlofshúsnæði, innanlands og erlendis
Námsmannaaðild
Námsmenn í viðskiptafræði eða hagfræði á háskólastigi, sem lokið hafa a.m.k. 60 einingum (ECTS) geta sótt um námsmannaaðild að KVH (NKVH). Slík aðild felur m.a. í sér:
- Aðgang að upplýsingum og leiðbeiningum félagsins er snerta störf og kjör á vinnumarkaði
- Aðstoð við gerð ráðningarsamninga
- Aðgang að námskeiðum/málstofum KVH á ári hverju. Efni námskeiðanna eru fjölbreytt og höfða til námsmanna
- Gjöf frá KVH þegar að námi lýkur