HVER GÆTIR ÞINNA HAGSMUNA?

HVER GÆTIR ÞINNA HAGSMUNA?

Kjarafélag viðskiptafræðinga og hagfræðinga

Kjarafélag viðskiptafræðinga og hagfræðinga (KVH) er stéttarfélag viðskiptafræðinga og hagfræðinga. Félagið sér um að gera kjarasamninga fyrir hönd félagsmanna, bæði á almennum og opinberum vinnumarkaði.  Það vinnur að bættum kjörum félagsmanna, gætir réttinda þeirra og er óháð starfsvettvangi, vinnuveitanda eða ráðningarformi.

Alls eru greiðandi félagsmenn nú rúmlega 1.500. Um helmingur þeirra starfar á almennum vinnumarkaði en tæplega helmingur hjá hinu opinbera.

KVH hefur það að markmiði að félagsmenn þess njóti bestu mögulegrar þjónustu og hagsmunagæslu á hverjum tíma. KVH er aðili að Bandalagi háskólamanna.

Aðsetur KVH og BHM er að Borgartúni 6, Reykjavík.

Efst á baugi


Áríðandi frétt til félagsmanna KVH sem fengu greitt úr Vísindasjóð KVH fyrir árið 2019

Vegna bilunar í kerfi félagsins fóru rangar upplýsingar inn til Skattsins. Ef þú fékkst greitt úr Vísindasjóð KVH fyrir árið 2019 og þú opnaðir framtalið í gær, sunnudaginn 1. mars, þá biðjum við þig að hafa sérstaklega samband við okkur. Þar sem greiðslan úr Vísindasjóð KVH virðist ekki hafa farið inn á framtalið fyrir árið 2019 þarf að færa hana handvirkt inn í lið 2.3. Beðist er velvirðingar á þessum mistökum.

Kennitala Vísindasjóðs KVH er 650291-2129

Ef einhverjar frekari upplýsingar eða aðstoð vantar ekki hika við að hafa samband í síma 595-5140 eða senda tölvupóst á kvh@bhm.is

Auglýst eftir framboðum til setu í stjórnum og nefndum BHM

Framboðsnefnd BHM auglýsir eftir félagsmönnum aðildarfélaga sem hafa áhuga á að sitja í stjórnum og nefndum bandalagsins (sjá nánar upptalningu hér að neðan). Áhugasömum er bent á að hafa samband við sitt félag fyrir 15. febrúar nk. Félögin munu svo sjá um að koma upplýsingum um frambjóðendur til framboðsnefndar BHM.

Kosið verður í fjölmargar ábyrgðarstöður innan bandalagsins á aðalfundi þess sem haldinn verður 27. maí nk. Varaformaður BHM verður kjörinn í rafrænni kosningu af aðalfundarfulltrúum eigi síðar en fjórum vikum fyrir aðalfund, samkvæmt ákvæði í lögum bandalagsins sem samþykkt var á framahaldsaðalfundi sl. sumar.

Á aðalfundinum verður kjörið í eftirtaldar stöður:

Stjórn BHM: Þrír aðalmenn í stjórn BHM til tveggja ára.
Varamaður stjórn BHM: Tveir varamenn í stjórn BHM til eins árs.
Skoðunarmenn reikninga: Tveir skoðunarmenn reikninga og einn til vara til eins árs.
Framboðsnefnd: Fimm nefndarmenn og tveir til vara.
Kjörstjórn: Tveir nefndarmenn og einn til vara.
Kjara- og réttindanefnd: Tveir nefndarmenn og einn til vara.
Þjónustu- og aðbúnaðarnefnd: Tveir nefndarmenn og einn til vara.
Jafnréttisnefnd: Tveir nefndarmenn og tveir til vara.
Lagabreytinganefnd: Fimm nefndarmenn.
Stjórn Orlofssjóðs: Tveir nefndarmenn til tveggja ára.
Stjórn Sjúkrasjóðs: Tveir nefndarmenn til tveggja ára.
Stjórn Starfsmenntunarsjóðs: Einn nefndarmaður til tveggja ára.

Kjarasamninga strax! – Baráttufundur opinberra starfsmanna

BSRB, BHM og Fíh boða til baráttufundar fyrir félagsmenn sína þar sem þess verður krafist að viðsemjendur gangi þegar í stað til kjarasamninga.

Opinberir starfsmenn hafa fengið sig fullsadda af skeytingarleysi viðsemjenda nú

þegar tíu mánuðir eru liðnir frá því kjarasamningar losnuðu. BSRB, Bandalag háskólamanna og Félag íslenskra hjúkrunarfræðinga boða til baráttufundar fyrir félagsmenn sína þar sem þess verður krafist að opinberir launagreiðendur gangi þegar í stað til kjarasamninga við starfsfólk sitt.

Fundurinn verður haldinn fimmtudaginn 30. janúar milli klukkan 17 og 18 í aðalsal Háskólabíós. Streymt verður frá fundinum beint á fundi aðildarfélaga BSRB og BHM í Hofi á Akureyri og víðar um land.

Kjarasamningar þorra opinberra starfsmanna hafa verið lausir frá 1. apríl 2019 og hafa viðræður við ríki og sveitarfélög gengið afar hægt. Þolinmæði félagsmanna og samninganefnda er löngu þrotin og kominn tími á að efla samstöðuna og undirbúa aðgerðir.

Á baráttufundinum í Háskólabíói munu eftirtalin flytja stutt ávörp:

  • Sonja Ýr Þorbergsdóttir, formaður BSRB.
  • Laufey Elísabet Gissurardóttir, formaður Þroskaþjálfafélags Íslands, fyrir hönd BHM.
  • Guðbjörg Pálsdóttir, formaður Félags íslenskra hjúkrunarfræðinga.
  • Sandra B. Franks, formaður Sjúkraliðafélags Íslands.
  • Árni Stefán Jónsson, formaður Sameykis.

Milli ávarpa munu Jónas Sig og ritvélar framtíðarinnar og Reykjavíkurdætur taka nokkur lög.

Nánari upplýsingar má finna á facebook-viðburði fundarins.

Síða 11 af 76« Fyrsta...910111213...203040...Síðasta »

Félagsaðild

Í boði er meðal annars:

  • Fæðingarstyrkir og sjúkradagpeningar
  • Starfs- og endurmenntunarstyrkir
  • Sumarbústaðir og orlofshúsnæði, innanlands og erlendis
  • Styrkir til gleraugnakaupa og heilsuræktarstyrkur m.m.
Sækja um

Námsmannaaðild

Námsmenn í viðskiptafræði eða hagfræði á háskólastigi, sem lokið hafa a.m.k. 60 einingum (ECTS) geta sótt um námsmannaaðild að KVH (NKVH). Slík aðild felur m.a. í sér:

  • Aðgang að upplýsingum og leiðbeiningum félagsins er snerta störf og kjör á vinnumarkaði
  • Aðstoð við gerð ráðningarsamninga
  • Aðgang að námskeiðum/málstofum KVH á ári hverju. Efni námskeiðanna eru fjölbreytt og höfða til námsmanna
  • Gjöf frá KVH þegar að námi lýkur
Sækja um